الخميس، 20 سبتمبر، 2007

الاجتياح

تغرب أو ترحل ، أو تموت - كما قد نعتقد - وتعود
ونحن أيضا نغرب ونرحل ونموت لكننا لا نعود
حين ندرك أننا عشنا فى ظلام واحببنا الظلام وأعتدنا الظلام واصبحنا كالخفافيش لا يحتوينا إلا الظلام
يموت أحساسنا بالنور حين نعيش فيه ولا ندرك أى ظلام داخلنا ، نرى ما حولنا ، ولا نرى مضامين كلماتنا وأكاذيبنا ومداركنا ، حين نعيش عمرا فى خداع بصرى نرى فيه كل شىء مقلوب فنعتاد الانقلابات ، ويصبح الواقع فينا مشوش تختلف مضامين الفضائل ، حب لا نعرف منتهاه ، صدق لا ندرك محتواه ، تتداول علينا الحالات الكئيبة كتداول الليل والنهار ، ربيع زائف ، خريف يرتدي ثوب الفراديس الوارفة ، نفقد الثقة فيما نرى ، وما نسمع ، وما نشعر

نرحل عندما نموت أو يموت داخلنا الرحيل

يجتاحنا احساس جديد أحساس الظلام الى لا ينتظر ابدا أحتياح الشمس من جديد


هناك 18 تعليقًا:

أوشه يقول...

صحيح مافيش حاجه حوالينا تفرح وكل الموازين اتقلبت..
بس ده أدعى ان احنا نحاول نسعد نفسنا بنفسنا ونخلي الدايره الضغيره الخاصه بينا وحوالينا هي دي اللي تبقى مصدر النور والسعاده..
والحمد لله ان احنا عارفين ان الموازين كده مقلوبه وان مش ده هو الصح...
المصيبه في الجيل اللي جاي عشان كده لاازم يكون في جزء ولو ضغير في حياتنا مضيء..ولو كل واحد عمل كده احساسنا بالنور هيرجع برانا وجوانا

تحياتي

حاول تفتكرنى يقول...

أوشة
عرافة المشكلة في ايه
المشكلة فى فقدان الثقة ، صعب جدا عندما نفقد الثقة فى الاخرين أو فى واقعنا أو فى حتى أنفسنا أن نتأقلم ونتعايش معها من جديد
ولو حاولنا سنشعر أننا جزء من دائرة الاوضاع المقلوبة تلك ، وكآبة تزيد الظلام داخلنا ظلام
حتى الدايرة الصغيرة اللى المفروض انها تكون عالم خاص بينا بتكون مش واضحة ، وعدم الثقة فى ما كنا نخال أنها ثوابت بتشككنا حتى فى معتقداتنا الشخصية وعالمنا الخاص

السؤال
هل نموت فقط عندما نموت أم ربما نموت ونحن على قيد الحياة

تحياتي

متغيرة شوية يقول...

الضلمة دايما هي وقت انتقالي لنهار جديد
كمان النهار هو وقت انتقالي لليل جديد

ده برضه في الناس، لازم تتخان علشان تحس باخلاص صحابك
المهم انك مع اي انسان ، مهما كان مدى اخلاصه ليك ، تظل محتفظ بنفسك ، بليلك ونهارك واكتئابك وفرحك

حاول تفتكرنى يقول...

تظل محتفظ بنفسك ، بليلك ونهارك واكتئابك وفرحك

متغيرة شوية
يمكن الاحتفاظ ده هو اللى يخلي فيه أمل
على الأقل فى النفس

تحياتي

ابن عمر يقول...

السلام عليكم
هو الحالة الخارجيه فد توحي باليأس
ولكن القوي من ير الظلام والنور ويختر لنفسه النور
ولا يذهب خلف السراب
مهمايطول الليل يا بلادي شمس الحق هتيجى تنادي
لسا الامل موجود والحق ماله حدوح
وياريت تدعوا لنا
ولكل طلبة الفرقة السادسه
بكلية الطب
أخيرا هنبدأ الامتحنات بعد العيد
وكل سنه وانتم طيبين

ياسر مدني ...دينامو الإخوان يقول...

أدعوكم للمشاركه وإبداء الرأئ في مسابقات الشعر وهي عباره عن خلق وصحابي ..ولا تنسوا
1-المشاركه
2-إيجابيتات
3-سلبيات
4_مقترحات

أوشه يقول...

احنا مش محتاجين نثق في الآخرين
لكن لازم نثق في نفسنا عشان الحياه تستمر
وعشان نثق في نفسنا لازم نعرف ايجابياتنا ونكبرها وسلبياتنا ونتجنبها ان معرفناش نغيرها
ونبقه صادقين مع نفسنا ونمشي في الطريق اللي بنحلم بيه ونبطل نعمل حساب لللآخر وهو مش عامل حسابنا
ونحقق حاجه عشان مانبقاش من الأحياء الأموات

أما العالم الخاص لو مش شايفو واضح فأكيد هتلاقي ولو شخص واحد ممكن يساعدك في توضيح الصوره ويشاركك العالم ده

حاول تفتكرنى يقول...

ابن عمر
بداية شد حيلك فى الامتحانات

أما موضوع الاختيار ، فمن يملكه سيختار النور
ربما نختاره بطريقة عجيبة
تعكس معطياتنا الفردية
بس فى النهاية
اخترنا

تحياتي

حاول تفتكرنى يقول...
أزال المؤلف هذا التعليق.
حاول تفتكرنى يقول...

اهلا ياسر

بالفعل زرت مدونتك

كلامك طيب هناك

وبالقطع لها هدف

أكيد هتقدر تعبر عن نفسك

تحياتي

حاول تفتكرنى يقول...

اهلا اوشة

ربما لا نستطيع فى وقت ما أن نفرق بين الايجابيات والسلبيات - ونحن نملك الرؤية وربما فى وقت آخر وظروف أخرى نفعل - وإن كانت الرؤية غير واضحة المعالم
فتداول الأحوال علينا يجعلنا دائما فى مرحلة بحث عن أنفسنا ، وحلاوة الحياة فى هذا البحث ، والأكثر حلاوة أننا قد لا نجدها فنظل نحاول
من يدرى
ربما لو عثرنا على أنفسنا وفقدنا الدافع على التحرك
وجدنا أنفسنا فى سكون تام
ونحن - ايضا - على قيد الحياه

تحياتي

حياه الأحلام يقول...

كل سنه وأنت طيب

ومدونه جميله وموهبه جميله فى الكتابه بجد

وفعلا نغرب ونرحل ونموت لكننا لا نعود

لو كل الناس تعرف كده مكنش ده بقى حال الدنيا

يارب نقدر نطلع من الظلام وما نفضلش نلف فى دواير

بوست جميل

تحياتى ونورتنى فى البلوج

حاول تفتكرنى يقول...

حياة الاحلام

أكيد الظلام حالة ، مجرد تأكدنا منها فى حياتنا والشعور بها حولنا بيكون أول الطريق

لاننا دائما نسعي إلى النور تلقائيا ، ولو فى اللاشعور
فقط نقدر موقعنا الحالي ونعيه جيدا لنغيره

سرتنى زيارتك
تحياتي

آلام وآمال يقول...

حب لا نعرف منتهاه ، صدق لا ندرك محتواه

الله على الكلمتين دول
بصراحة مفيش تعليق بعديهم

تحيتي ليك ونورت مدونتي المتواضعة

soka يقول...

نفقد الثقة فيما نرى ، وما نسمع ، وما نشعر
اكتر جمله حسيتها اوى يمكن عشان عيشاها
بس كلامك فيه شويه تشاؤم
تفائل شويه عشان تقدر تعيش
وانسى اللى بيتعبك

حاول تفتكرنى يقول...

آلام وآمال

تشريفك أبلغ تعليق

ربما نصيغ الجمل ، ونرتب الحروف ، دون قصد منا
لتعكس ما نشعر
بكل صدق

والصدق فقط هو ما يصل للآخرين

تحياتي

حاول تفتكرنى يقول...

soka

جميل أن تحيط بنا المتناقضات
والأجمل أن نكتب

وجميل أن نتشائم ونتفاءل فى آن واحد
والأجمل أن نتعلم من كلاهما

وجميل عرفته هناك فى مدونتك
والأجمل زيارتك هنا

تحياتي

غير معرف يقول...

滿.......................................................